Os consellos do Corvo

                Un corvo vello, antes de sacar os fillos do niño, dáballes algúns consellos, para que soubesen andar polo mundo sen grande perigo.

Mirade -dicíalles-, cando vexades vir un home, escapade, porque se vos colle, mátavos. Se vedes que trae un pao furado, escapade aínda que o home estea lonxe, pois aínda ben non fai "chape" e xa no cu che bate. Se vedes que se baixa para coller unha pedra, tamén, porque con ela mátavos tamén de lonxe.

¿E se a trae no peto? -dixo o corviño máis pequeno.

Ti pódeste ir contestoulle o pai- ¡que xa sabes andar só!

(Conto popular)

Responde as seguintes cuestións. Cando acabes preme en Comprobar respostas

1. ¿Para que daba consellos aos seus fillos o corvo?

    Para que soubesen andar polo mundo sen perigos

    Para que avisasen se viña alguén

    Para que o escoitasen atentamente

2. ¿Cal é a virtude do corvo máis pequeno para convencer o seu pai de que pode abandonar o niño?

    A astucia, a desconfianza

    A envexa

    A cordialidade

3. Imos facer un repaso gramatical. Comezamos polo verbo. ¿Que forma verbal é soubese?

    Imperfecto Subxuntivo

    Presente subxuntivo

    Perfecto Indicativo

4. ¿Como é o presente subxuntivo de ver? Escribe todas as formas sen o pronome suxeito e separadas por vírgulas

    

5. No texto aparece a forma "dixo", pretérito do verbo dicir. ¿Como é a forma equivalente do futuro de subxuntivo?

    

6. Ti pódeste ir - contestoulle o pai- ¡que xa sabes andar só! ¿Que valor ten a forma "que" neste texto?

    causal

    consecutivo