Despois dun ano de traballo poñemos na web unha versión do xogo do scrabble. O xogo,desenvolvido coa colaboración da Secretaria Xeral de Política Lingüística, funciona basicamente do mesmo xeito que o xogo de mesa. Sen embargo, nesta versión on-line houbo que ampliar esta funcionalidade básica, nalgúns casos para superar os límites da contorna virtual, e noutros para aproveitar as características de Internet e facelo máis entretido; ou para permitir mesmo o xogo contra o computador.

Á hora de matricularse ao través da nosa web en calquera dos cursos que ofertamos lembrade actualizar todos os vosos datos persoais para que consten correctamente na nosa base. Son imprescindibles para enviar a relación de asistentes á Consellería para a homologación dos cursos. É moi importante, sobre todo, que indiquedes, se sodes ou fostes docentes para a Consellería de Educación, o voso centro de ensino e número de rexistro persoal. En caso de que nunca traballásedes para a Consellería de Educación debedes poñer a data de expedición do título.

Ímonos mergullar nun mar que ole a todos os salitres do mundo. Nas mareas viaxan letras escritas en idiomas inventados e traen historias de lugares submarinos, criaturas con branquias e cousas nunca vistas. O mar é a patria dos recordos, a paisaxe da infancia, a banda sonora dunha emoción? o refuxio da poesía, da ilustración, da arte, do teatro e agora tamén o teu.